Сейм Рэспублікі Польшча зняў абмежаванні на доступ СМІ да парламента, якія выклікалі масавыя пратэсты. Любыя змены парадку доступу журналістаў будуць у будучыні ўзгадняцца з прадстаўнікамі СМІ, гаворыцца ў заяве прэс-службы Сойма, апублікаванай у аўторак, 20 снежня.
Акцыя апазіцыі ў польскім Сойме
16 снежня пратэст польскіх апазіцыйных дэпутатаў супраць планаў абмежаваць доступ СМІ да парламента прывёў да прыпынення працы ніжняй палаты.
Раней у той жа дзень больш за 20 польскіх сродкаў масавай інфармацыі байкатавалі пасяджэнне парламента ў знак пратэсту супраць планаў, згодна з якімі журналістам было б забаронена рабіць фотаздымкі і відэазапісы ў пленарнай зале — іх распаўсюджваннем павінна была заняцца афіцыйная парламенцкая служба. Такім чынам, дакументаваць парушэнні дэпутатамі правіл, напрыклад, у выпадку галасавання за адсутнага калегу, было б значна складаней.
Напярэдадні ў Варшаве прайшлі масавыя акцыі пратэсту. Польская апазіцыя абвінаваціла паліцыю ва ўжыванні слезацечнага газу.
Трамп заявіў, што вядзе з Лукашэнкам перамовы пра вызваленне часткі з 1400 палітвязняў8
Каментары