Услед за Ігарам Карпенкам і Уладзімірам Кухаравым Мінгарвыканкам пакідае трэці намеснік старшыні Жанна Бірыч. Пра гэта TUT.BY паведамілі некалькі крыніц. Таксама стала вядома, дзе яе працаўладкуюць ў бліжэйшы час.
«Сёння ў Бірыч быў апошні працоўны дзень. Забіраюць у Маскву», — кажа адзін з суразмоўцаў.
Як паведаміла іншая інфармаваная крыніца, Жанна Бірыч пераходзіць на пасаду намесніка дырэктара дэпартамента антыманапольнага рэгулявання Еўразійскай эканамічнай камісіі.
«Яшчэ на гэтым тыдні яна ў Мінску, але недзе на наступным тыдні з'язджае», — тлумачыць суразмоўца.
Такім чынам, Жанна Бірыч стала ўжо трэцім намеснікам, якога Андрэй Шорац страціў за паўтара месяца. Нагадаем, 15 снежня 2016 года Ігар Карпенка стаў міністрам адукацыі, а Уладзімір Кухараў — намеснікам старшыні Камітэта дзяржкантролю. На сёння ў пасадах застаюцца толькі два намеснікі мэра — Андрэй Дамарацкі і Віктар Лапцеў.
Жанна Бірыч нарадзілася ў 1960 годзе. Кар'еру чыноўніка пачала ў Лагойску, дзе за 19 гадоў прайшла шлях ад спецыяліста да намесніка старшыні райвыканкама. Потым працавала старшынёй камітэта эканомікі Мінаблвыканкама, а ў 2011 годзе стала намеснікам старшыні сталічнай мэрыі, дзе курыравала эканоміку.
Цяпер чытаюць
«Лукашэнка проста не ведае». Ябацьку, які выкладаў у тыкток відэа пра булінг дачкі, пасадзілі на паўтара месяца10
«Лукашэнка проста не ведае». Ябацьку, які выкладаў у тыкток відэа пра булінг дачкі, пасадзілі на паўтара месяца
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1212
Каментары