Ад пятніцы ў некаторых мінскіх рэстаранах і кавярнях можна будзе пакаштаваць новы гатунак піва Trump Pale Ale. Яго выпусціла браварня «Талер», якая месціцца пры рэстаране People's на вуліцы Кальварыйская,1.
Адметнасць гатунку ў тым, што півавары прысвяцілі яго новаму прэзідэнту ЗША Дональду Трампу. Піва выканана ў стылі «амерыканскі бледны эль». Гэтаму стылю характэрны прыемны водар і выразная хмелевая гарчынка. Піва будзе ўтрымліваць 5,8% алкаголю.
Міні-браварня «Талер» была заснаваная ў 2011 годзе. Названая ў гонар срэбнай манеты, якая была ва ўжытку на тэрыторыі ВКЛ і Рэчы Паспалітай. На эмблеме піваварні сярэднявечныя вершнікі з мячамі.
Першапачаткова «Талер» быў арыентаваны на больш традыцыйныя піўныя гатункі, аднак летась перафарматаваўся на стылі, характэрныя для крафатавай вытворчасці — індыйскі бледны эль, стауты, гарбузовы эль і іншыя.
Цяпер чытаюць
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1616
Каментары