У журы прэміі «Кніга года» жонка прагаласавала за кнігу мужа, а муж — за жончыну
Насуперак вынікам чытацкага галасавання, галасамі журы прэмію «Кніга года» і 1000 еўра атрымала паэтка Наста Кудасава за зборнік вершаў «Маё невымаўля». Гэтая кніга атрымала 21 голас.
Другое і трэцяе месца падзялілі кнігі Уладзіміра Арлова і Паўла Татарнікава «Айчына: маляўнічая гісторыя. Ад Рагнеды да Касцюшкі» і «Бэзавы і чорны» Альгерда Бахарэвіча.
У народным жа галасаванні за «Кнігу года» перамагла кніга Андруся Горвата «Радзіва Прудок». У першую тройку ўвайшлі таксама «Айчына. Ад Рагнеды да Касцюшкі» Уладзіміра Арлова і Паўла Татарнікава і «1813» Уладзіміра Садоўскага.
Прэмія «Кніга года» заснаваная ПЭН-цэнтрам. Выданні намінуюць самі пісьменнікі, з іх складу ўтвараецца і журы. У той жа час на старонцы kniha.of.by галасавалі чытачы.
Што цікава, удзельнік журы Альгерд Бахарэвіч прагаласаваў за кнігу сваёй жонкі Юліі Цімафеевай. А Юлія Цімафеева прагаласавала за кнігу мужа, Альгерда Бахарэвіча.
Галасы журы выстаўленыя ў адкрыты доступ на сайце прэміі.
Цяпер чытаюць
Адпачынак у Эміратах скончыўся для сям'і трагедыяй: «Мама памерла, а айчым апынуўся ў турме»6
Адпачынак у Эміратах скончыўся для сям'і трагедыяй: «Мама памерла, а айчым апынуўся ў турме»
Расійскія і лукашэнкаўскія спецслужбы на фоне залёту дронаў у Польшчу правялі інфаатаку. Яе зладжанасць дае падставы думаць, што залёт быў спланаваны1515
Каментары