Злучаныя Штаты пакінуць у сіле санкцыі супраць Расіі, пакуль Масква не выканае ўмовы Мінскіх пагадненняў, а таксама пакуль не верне акупаваны Крымскі паўвостраў.
Пра гэта заявіў дзяржаўны сакратар ЗША Рэкс Тылерсан, які прымае ўдзел у сустрэчы кіраўнікоў МЗС краін-сяброў NATO у Бруселі, паведамляе УП са спасылкай на сайт Дзярждэпа.
«Мы будзем працягваць заклікаць Расію да выканання мінскіх абавязацельстваў. Санкцыі ЗША застануцца, пакуль Масква не адменіць дзеянні, якія пацягнулі нашы санкцыі. Мы з трывогай адзначаем эскалацыю гвалту ўздоўж лініі судакранання і неаднаразовыя напады на грамадзянскую інфраструктуру сепаратысцкіх сіл, якія падтрымліваюцца Расіяй, што стварае падвышаную рызыку гуманітарнай катастрофы», — сказаў Тылерсан.
Ён заклікаў Расію выкарыстоўваць свой уплыў на сепаратыстаў, каб спыніць гвалт, спыніць кампанію нападаў і запалохвання назіральнікаў АБСЕ, і палегчыць доступ для выканання іх працы.
«Расія павінна зразумець, няма ніякіх падстаў, каб рухацца наперад па палітычных аспектах Мінскіх пагадненняў пакуль не мы не ўбачым незваротныя паляпшэнні сітуацыі ў галіне бяспекі», — сказаў Тылерсан.
Дзяржсакратар ЗША таксама пацвердзіў, што санкцыі, ўведзеныя за анексію Крыма, павінны заставацца ў сіле, пакуль Расія не верне паўвостраў пад кантроль Украіны.
-
Тандэм прэзідэнта Францыі і яго прэм'ер-міністра стаў самым непапулярным у сучаснай гісторыі краіны
-
У Літве стабальнікаў прэміруюць немалымі грашыма. А іх настаўнікаў — яшчэ большымі. Але сёлета сістэма ледзь не зламалася
-
Аліеў параіў Украіне не згаджацца на акупацыю. Z-каналы заклікаюць рыхтавацца да вайны з Азербайджанам
«А зможаце вылецець заўтра?» Джон Коўл расказаў, як піў з Лукашэнкам гарэлку, каб дамовіцца пра вызваленне палітвязняў9
Каментары