Беларусы вызваляюцца ад выплаты дзяржпошліны за ўезд у пагранзону, але ім давядзецца аплачваць уезд у пагранпаласу
Аляксандр Лукашэнка 26 красавіка падпісаў указ нумар 132 «Аб змяненні ўказаў прэзідэнта Рэспублікі Беларусь», паведамілі ў прэс-службе беларускага лідара.
Дакумент распрацаваны ў мэтах прывядзення заканадаўства Беларусі ў адпаведнасць з законам ад 18 кастрычніка 2016 года «Аб унясенні змяненняў і дапаўненняў у Падатковы кодэкс Рэспублікі Беларусь». Так, з 1 студзеня 2017 года згодна з законам адменена дзяржаўная пошліна за ўезд (уваход), часовае знаходжанне, перамяшчэнне ў пагранічнай зоне для грамадзян Беларусі, замежных грамадзян і асоб без грамадзянства, якія пастаянна пражываюць у Беларусі.
Законам уведзена аплата дзяржпошліны за выдачу пропускаў у пагранічную паласу. Разам з тым гэта не датычыцца асобных катэгорый грамадзян, у прыватнасці, тых, хто ў пагранічнай паласе выконвае працоўныя (службовыя) абавязкі, наведвае месцы пахавання сваякоў, валодае нерухомай маёмасцю, а таксама ўдзельнікаў вайны і сваякоў, якія едуць да ваеннаслужачых, якія праходзяць службу ў падраздзяленнях граніцы.
Указам зацверджаны пералік дакументаў, на падставе якіх гэтыя катэгорыі грамадзян вызваляюцца ад выплаты пошліны. Прычым гэта льгота прадастаўляецца толькі ў межах канкрэтнай адміністрацыйна-тэрытарыяльнай адзінкі.
Прыезджыя іншаземцы, якія не дасягнулі 14-гадовага ўзросту, вызваляюцца ад выплаты пошліны за знаходжанне ў пагранічнай зоне, таксама як і грамадзяне Беларусі таго ж узросту — за знаходжанне ў пагранічнай паласе.
-
«А Лукашэнка не ў курсе, адкуль быў напад на гэту асфальтаваную дарогу?» У вёсцы правялі велапрабег — але ўся ўвага дасталася дарозе
-
Мільянер Варабей атрымаў права на забудову цэнтра Мінска — узамен за дарагую клініку для Лукашэнкі
-
Мінчукі ў чаце паскардзіліся на працу паліклінікі. Прапаганда абвінаваціла ў чэргах саміх наведвальнікаў
Мільянер Варабей атрымаў права на забудову цэнтра Мінска — узамен за дарагую клініку для Лукашэнкі7
Каментары