Намесьнік памочніка дзяржсакратара ЗША ў справах Эўропы і Эўразіі Дэвід Мэркел неадкладна прыляцеў у Менск «для сустрэчаў зь беларускімі афіцыйнымі асобамі і прадстаўнкамі дэмакратычнай апазыцыі», паведаміў Дзяржаўны дэпартамэнт ЗША. Цяпер адбываецца сустрэча Дэвіда Мэркела з лідэрамі апазыцыі.
У 12.00 пачалася сустрэча Дэвіда Мэркела зь лідэрамі апазыцыі. Зь беларускага боку ў ёй бяруць удзел Вінцук Вячорка, Аляксандар Казулін, Сяргей Калякін, Анатоль Лябедзька, Аляксандар Мілінкевіч.
21 жніўня адбылася сустрэча міністра замежных спраў Беларусі Сяргея Мартынава з намеснікам памочніка дзяржаўнага сакратара ЗША Дэвідам Мэркелем, які тэрмінова прыбыў Менск сёньня раніцай. "У ходзе сустрэчы быў дэталёва разгледжаны ўвесь спектр беларуска-амерыканскіх адносін. Субяседнікі абмеркавалі таксама шляхі паляпшэння гэтых адносін", - праінфармавалі ў прэс-службе знешнепалітычнага ведамства Беларусі, паведамляе БЕЛТА.
20 жніўня на волю з турмаў адначасова выйшлі менскі моладзевы актывіст Андрэй Кім і віцебскі прадпрымальнік Сяргей Парсюкевіч. Упершыню за апошнія гады ў краіне не засталося ніводнага палітычнага зьняволенага.
Вызваленьне абодвух апазыцыянэраў адбылося праз памілаваньне кіраўніком дзяржавы. Нагадаем, што яшчэ некалькі тыдняў таму піяршчык Лукашэнкі Цім Бэл у інтэрвію «Financial Times» абяцаў, што палітвязьні выйдуць на волю перад парлямэнцкімі выбарамі.
Вызваленьне палітвязьняў дае падставы для першаснай нармалізацыі адносінаў з ЗША і ЭС.
І рэакцыя ЗША не прымусіла доўга чакаць. Яшчэ ўчора Дзярждэпартамэнт распаўсюдзіў прэс?рэліз аб сытуацыі ў Беларусі. «ЗША вітаюць вызваленьне 20 жніўня двух апошніх палітвязьняў, якое стала працягам вызваленьня Аляксандра Казуліна,» — гаворыцца ў заяве.
«Вызваленьне гэтых асобаў, якое, як мы спадзяемся, будзе спалучана з далейшымі пазытыўнымі крокамі, адкрывае рэальную магчымасьць для значнага паляпшэньня адносінаў паміж ЗША і Беларусьсю. Вызваленьне гэтых грамадзянаў разам зь іншым дае нам надзею на будучыя пазытыўныя крокі, прапановы рэальных магчымасьцяў істотнага паляпшэньня у стасунках паміж ЗША і Беларусьсю», — гаворыцца ў заяве прэс?сакратара Дзяржэпартамэнту ЗША Робэрта Вуда.
Згодна з прэс-рэлізам, у сьвятле разьвіцьця падзеяў намесьнік памочніка дзяржсакратара ЗША ў справах Эўропы і Эўразіі Дэвід Мэркел неадкладна вылятае ў Менск «для сустрэчаў зь беларускімі афіцыйнымі асобамі і прадстаўнікамі дэмакратычнай апазыцыі».
Каментары