Наспявае важная сацыяльная рэформа? Дэпутаты хочуць, каб дзеці неслі большую адказнасць за састарэлых бацькоў
Парламентарыі гатовы выступіць з ініцыятывай аб узмацненні адказнасці дарослых дзяцей за сваіх састарэлых бацькоў. Пра гэта паведаміла член Пастаяннай камісіі Палаты прадстаўнікоў па працы і сацыяльных пытаннях Таццяна Старынская сёння на прэс-канферэнцыі «Навацыі ў сістэме сацыяльнага абслугоўвання Беларусі» ў прэс-цэнтры БелТА.
«Тыя, хто прыйшоў у парламент з сацыяльнай службы, гатовы ўнесці ініцыятыву аб тым, як павысіць адказнасць працаздольных дзяцей па доглядзе састарэлых бацькоў, — сказала Таццяна Старынская. — Па законе яны павінны даглядаць сваіх бацькоў. Але бывае, што дзеці проста прывозяць сталага чалавека ў цэнтр сацабслугоўвання і кажуць, маўляў, рабіце, што хочаце, вы — сацыяльная служба і вы павінны, і гэта пры тым, што кошт сацыяльных паслуг вельмі нізкі».
Намеснік міністра працы і сацыяльнай абароны Аляксандр Румак праінфармаваў, што кошт гадзіннага тарыфу на паслугі, якія ўваходзяць у пералік бясплатных і агульнадаступных, складае да 50 капеек. Умовы аказання сацыяльных паслуг дома залежаць ад сямейнага і матэрыяльнага становішча атрымальніка. Бясплатна паслугі прадастаўляюцца толькі адзінокім малазабяспечаным людзям. Непрацаздольным, якія маюць членаў сям'і, абавязаных па законе іх утрымліваць, паслугі аказваюць на ўмовах аплаты.
Цяпер чытаюць
Каб не трапіць на Акрэсціна, мінчук збег жыць у лес — вось яго гісторыя1
Каментары