Ін'екцыя «муляжоў» віруса імунадэфіцыту прымусіла імунітэт кароў выпрацаваць цэлы набор антыцелаў, якія нейтралізуюць 96% разнавіднасцяў ВІЧ, што адкрывае дарогу для стварэння вакцыны ад гэтага віруса. Пра сенсацыйнае даследаванне гаворыцца ў артыкуле, апублікаваным у часопісе Nature.
Вірус імунадэфіцыту пранікае ў клеткі чалавека пры дапамозе набору з некалькіх бялкоў на паверхні яго абалонкі. Іх структура, а таксама структура «шчыта» з вуглевадародаў, які іх абараняе, мяняецца з кожным новым пакаленнем ВІЧ, што змушае імунную сістэму выпрацоўваць новы набор антыцелаў. У большасці выпадкаў вірус становіцца пераможцам у гэтай «гонцы ўзбраенняў», і гэтая ж асаблівасць перашкаджае вучоным стварыць вакцыну ці прышчэпку ад ВІЧ.
Як тлумачаць імунолагі, праз 3-4 гады пасля заражэння ВІЧ імунная сістэма чалавека часта пачынае сінтэзаваць так званыя антыцелы шырокага профілю дзеяння (bnAbs), здольныя нейтралізаваць адразу некалькі разнавіднасцяў віруса. Гэта мала ў чым дапамагае арганізму, бо вірус да гэтага часу ўжо паспее глыбока пранікнуць ва ўсе тканкі цела і перайсці ў хранічную стадыю.
Праводзячы такія вопыты на цялятах, навукоўцы заўважылі, што іх арганізм пачаў вырабляць bnAbs літаральна праз 1-2 месяцы пасля пачатку ін'екцый. Вывучыўшы іх структуру, навукоўцы прыйшлі да высновы, што некаторыя з гэтых антыцелаў злучаліся з ВІЧ не горш, чым гэта робяць самыя якасныя чалавечыя bnAbs. Самае лепшае з іх, NC-Cow 1, можа ў адзіночку знішчыць каля 70% вядомых разнавіднасцяў віруса імунадэфіцыту.
Набор з такіх антыцелаў, якія навукоўцы вырошчвалі ў арганізме кароў на працягу года, змог нейтралізаваць каля 96% штамаў ВІЧ, што з'яўляецца вялікім крокам наперад у распрацоўцы вакцыны ад галоўнай хваробы 20 і 21 стагоддзяў.
Цяпер чытаюць
Каб не трапіць на Акрэсціна, мінчук збег жыць у лес — вось яго гісторыя8
Каментары