Па тусовачнай Зыбіцкай вуліцы ў Мінску будзе хадзіць… Спермік. Хто гэта такі?
З пятніцы па нядзелю, ад 17.00 і да 21.00, па вуліцах Герцэна і Зыбіцкай будзе прагульвацца лялечны сперматазоід. Місія Сперміка: раздаць заўсёднікам адной з самых тусовачных вуліц сталіцы прэзерватывы.
Такім чынам клініка рэпрадукцыі і генетыкі «Ева» разам з беларускім вытворцам прэзерватываў «Індыга» вырашылі нагадаць людзям пра важнасць здаровага сэксу.
Незвычайны касцюм Сперміка шыўся спецыяльна да акцыі, і апране яго маладая дзяўчына-прамоўтар Вікторыя Краўцова, з якой нам удалося звязацца і распытаць, з якімі эмоцыямі яна прымярае такую абноўку.
Віка вучыцца на журфаку. Каб не залежыць ад бацькоў у фінансавым плане, год таму пачала шукаць падпрацоўку і трапіла ў сферу прасоўвання тавараў, тым больш што работу на прома-акцыях атрымоўваецца сумяшчаць з парамі на дзённай форме навучання.
«Наша Ніва»: Віка, у якіх персанажаў табе прыходзілася пераўвасабляцца на акцыях раней?
Вікторыя Краўцова: Спермік будзе маім другім досведам работы ў роставай ляльцы: аднойчы я была Бонсцікам, у асноўным жа працавала на дэгустацыях.
«НН»: Не было ўнутраных ваганняў наконт такой ролі? Касцюм жа, мякка скажам, незвычайны.
ВК: Касцюм велізарны, тым больш што я маленькая: мой рост —160 сантыметраў. Ён глядзіцца на мне як вялікі дом ці ўтульны шалаш, але важыць не шмат, бо зроблены з паралону і тканіны.
Я не лічу, што гэта нейкі ненармальны персанаж, гэта тое, да чаго ўсе мы маем дачыненне і калі-небудзь сутыкнемся. Не трэба саромецца тэм рэпрадукцыі, спермы, сэксу і гэтак далей. Я на сваім прыкладзе, мне здаецца, таксама дэманструю, што нічога ганебнага тут няма.
«НН»: Падчас прымеркі ты ўжо выходзіла ў ім на вуліцу, як табе рэакцыі людзей?
Мы выйшлі ўсяго на 15 хвілінак. Людзі віталіся, рэагавалі вельмі пазітыўна. Адна маленькая дзяўчынка захацела са мной сфатаграфавацца. Праўда, не факт, што яна разумела, што я за герой, бо нават мая маці выказала здагадку, што я — гэта малочны зуб. Аднак факт ёсць факт: негатыўных каментароў у мой бок не было, не чакаю я іх і з пятніцы на нядзелю. Тым больш гэта будуць выходныя, Зыбіцкая, вечар, выходныя і добры настрой.
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам11
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі1818
Каментары