Папа Францыск выказаўся за патрэбу ўдакладнення аднаго фрагмента тэксту малітвы «Ойча Наш» у некаторых мовах. Ён зрабіў гэтую заяву ў сераду вечарам падчас сустрэчы з італьянскімі вернікамі, паведамляе «Daily Mail».
Гаворка ідзе пра словы «і не ўводзь нас у спакусу». Паводле пантыфіка, такі пераклад словаў малітвы не надта добры, бо гаворыць пра Бога, які выклікае спакусу. Ён прапанаваў падумаць над тым, каб іншыя еўрапейскія мовы перанялі варыянт, што выкарыстоўваецца ў французскай.
Там гэтыя словы перакладзеныя так: «і не дазволь нам упасці ў спакусу», што — паводле папы Францыска — здымае з Бога адказнасць за падзенне чалавека, бо віна за адмову супраціўляцца спакусам ляжыць на чалавеку.
Тэкст «Ойча Наш» — адной з найстарэйшых хрысціянскіх малітваў — на нацыянальныя мовы перакладаўся з лацінскага выдання Бібліі — «Вульгаты». На лацінскую мову ён быў перакладзены са старажытнагрэчаскай, а на яе — з арамейскай: мовы, на якой размаўляў Ісус.
Цяпер чытаюць
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін3
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1616
Каментары