У Аўстраліі былі праведзеныя выпрабаванні лёгкаматорнага электрычнага самалёта Pipistrel Alpha Electro, што дазволіла пераканацца ў тым, што вытворчасць і эксплуатацыя лятальных апаратаў падобнага тыпу з'яўляюцца цалкам бяспечнымі.
Спецыялісты маюць намер працягнуць тэставаць дадзены самалёт, і цалкам верагодна, што ў найбліжэйшай будучыні лятальны апарат будзе запушчаны ў серыйную вытворчасць.
Pipistrel Alpha Electro можа перавозіць на сваім борце да двух чалавек і мае значна ніжэйшы ўзровень шуму, чым у звычайных самалётаў. Пры гэтым паветранае судна абсталяванае двума літыевымі акумулятарамі, што дазваляе лятальнаму апарату знаходзіцца ў палёце да 1,5 гадзіны.
Кошт адной гадзіны эксплуатацыі самалёта Pipistrel Alpha Electro — калі лічыць толькі выдаткі на энергію для рухавіка — абыдзецца будучым уладальнікам ўсяго ў 3 даляры.
Каментары