Актрыса Купалаўскага Валянціна Гарцуева збіраецца замуж за нямецкага акцёра
У сацыяльных сетках з'явіліся сумесныя фота вядучай актрысы тэатра Янкі Купалы Валянціны Гарцуевай і нямецкага акцёра Жана-Марка Біркхольца. У тэатральных колах тут жа загаварылі: вяселле не за гарамі, піша «Народная воля».
Валянціна Гарцуева — дачка заслужанай артысткі Беларусі, прымы купалаўскага тэатра Зоі Белахвосцік і мастацкага кіраўніка Тэатра беларускай драматургіі Аляксандра Гарцуева. Яна паспяховая актрыса, шмат здымаецца ў кіно, выконвае вядучыя ролі ў тэатры. Валянціна Гарцуева — Барбара ў «Чорнай пані Нясвіжа», Ганна ў «Людзях на балоце», Ніна Зарэчная ў «Чайцы». У купалаўскім тэатры Валянціна служыць 10 гадоў, яна занятая ў 13 спектаклях.
Валянціна і Жан-Марк пазнаёміліся яшчэ ў 2012 годзе, калі нямецкі акцёр здымаўся ў Мінску ў ваеннай драме «Смерць шпіёнам», але сустракацца пачалі летам мінулага года. Сумеснае фота з Жанам-Маркам Валянціна выставіла ў інстаграм толькі ў снежні 2017-га. А нядаўна, 10 студзеня, змясціла яшчэ адно, суправадзіўшы яго кранальнымі радкамі:
«Никогда не забуду (он был, или не был,
Этот вечер): пожаром зари
Сожжено и раздвинуто бледное небо,
И на жёлтой заре — фонари ❤»
Жан-Марк спецыяльна прыляцеў у Мінск адзначыць з каханай свой 44-ы дзень народзінаў. Дарэчы, усе здымкі Валянціны ў інстаграме ён пазначае сэрцайкамі і «закаханымі» смайлікамі.
Пра будучае вяселле актрыса кажа так:
— Усё ў працэсе. Мы вельмі хочам сям'ю і прыкладаем да гэтага ўсе свае намаганні. Займаемся дакументамі, але паколькі жывём у розных месцах, то гэта зацягваецца. Хоць Марк кожны месяц, карыстаючыся бязвізавым уездам на 5 дзён, прылятае ў Мінск…
— А Купалаўскі не згубіць у хуткім часе яшчэ адну актрысу? Святлана Зелянкоўская з'ехала, Ганна Хітрык…
— Першы час мы вырашылі жыць у Мінску. Таму я тут.
Цяпер чытаюць
Азараў моцна пакрыўдзіўся на словы «псеўдалідаркі Ціханоўскай», што яго План Перамога быў памылкай29
Каментары