Уладальнікі гандлёвых цэнтраў у Польшчы знайшлі спосаб абыйсці забарону ўрада на гандаль па нядзелях для крамаў. Яны скарыстаюцца тым, што абмежаванне не закране прыпынкі транспарту, паведамляе Onet.pl.
Адзін з гандлёвых цэнтраў Гданьска скарыстаецца блізкасцю чыгуначнай станцыі Ужэшч і інтэгруецца ў будынак вакзалу. Паведамляецца, што ў ГЦ хутка з'явіцца білетная каса і зала чакання.
Дырэктар установы Анджэй Клейн пацвердзіў гэтую інфармацыю і дадаў, што ўстанова будзе адкрыта ў наступную нядзелю, 11 сакавіка, калі забарона ўступіць у сілу. «Я афіцыйна пацвярджаю, што прызначэнне будынка зменіцца, і 9 сакавіка мы станем чыгуначнай станцыяй», — паведаміў ён.
У студзені стала вядома, што забарона на гандаль па нядзелях пачне дзейнічаць з другой нядзелі сакавіка 2018 года. Пры гэтым абмежаванне не закране гандлёвыя кропкі на запраўках, у гатэлях, станцыях і прыпынках транспарту, а таксама на пошце і складах сельгаспрадукцыі. У «дазволеным» спісе і інтэрнэт-крамы.
Цяпер чытаюць
«Беларусь цябе любіць». Рэпартаж з развітання з Мікітам Мелказёравым6
Каментары