Пра гэта мама алімпійскай чэмпіёнкі Пхёнчхана ў фрыстайле Алена Георгіеўна распавяла ў інтэрв'ю «Народнай волі».
«Дачка з'явілася на свет на тэрміне 6 месяцаў і 1 тыдзень. Медыкі проста не верылі, што дзяўчынка выжыве, — кажа сп. Алена. — Памятаю, такая маленькая, безабаронная. Яе вага была ўсяго 1 кг 550 грамаў, рост — 41 сантыметр. Амаль два месяцы праляжала пад кропельніцамі».
Алена Гуськова дадае, што нараджала ў 2-й бальніцы, але неданошаных дзяцей там не трымалі і іх адправілі ў 7-ю бальніцу. «І пакуль яе туды везлі, у дачкі спынілася сэрца. На шчасце, медыкам удалося рэанімаваць дзяўчынку».
Калі выпісваліся з бальніцы, вага Ганны складала два кілаграмы.
Каментары