Касмічны апарат упершыню перадаў інфармацыю з нетраў атмасферы Юпітэра
Апарат Juno перадаў НАСА звесткі аб працэсах, якія адбываюцца ў атмасферы Юпітэра на глыбіні тры тысячы кіламетраў. Часопіс Nature апублікаваў чатыры артыкулы, прысвечаныя ўнутранай будове планеты.
Як адзначае The Verge, новыя дадзеныя сведчаць, што Юпітэр — яшчэ больш складаная планета, чым лічылася раней.
Напрыклад, моцныя віхры, зафіксаваныя ў ягонай атмасферы, як аказалася, пранікаюць углыб планеты і выклікаюць змены ў гравітацыйным полі. Даследчыкі высветлілі, што яно асіметрычнае па кірунку з поўначы на поўдзень.
Пры гэтым газавае ядро Юпітэра круціцца, згодна з інфармацыяй аб гравітацыі, як цвёрдае цела.
Акрамя таго, Juno перадала здымкі паверхні планеты, зробленыя ў інфрачырвоным дыяпазоне. Аказалася, што цыклоны ў атмасферы Юпітэра на яго канцавоссях складваюцца ў мудрагелістыя ўзоры. Чаму так адбываецца, навукоўцы пакуль не высветлілі.
Juno запусцілі ў 2011 годзе. На арбіту Юпітэра станцыя выйшла ў 2016-м і будзе працаваць там да сярэдзіны 2018 года, пасля чаго яе накіруюць у атмасферу планеты, дзе Juno згарыць.
-
Фальсіфікацыі ў даследаваннях хваробы Альцгеймера. Як вынікі прывялі не туды
-
Беларускія вучоныя пахваліліся папяровымі кубачкамі, вырабленымі па новай тэхналогіі. Такія то рабілі даўно, але нашы дадалі іншае рэчыва
-
«Гэтая партыя прайграная». Беларускія даследчыкі — пра тое, у што ператварылася Акадэмія навук
Што за 17-гадовы стартапер, які выліў цэбар хлусні на Лібера на радасць беларускім спецслужбам7
Каментары