Расійскі банк ВТБ спачатку паўгода таму выкупіў 29% працэнтаў акцый рытэйлавай сеткі «Магніт», а цяпер прадаў палову свайго пакета. Акцыі на 62,5 млрд рублей ($1,02 млрд) дасталіся кампаніі Marathon Group, заснаванай былым кіраўніком інвесткампаніі А1 (падраздзяленне Альфа-груп) Аляксандрам Вінакуравым і яго партнёрам Сяргеем Захаравым, піша расійскі «Форбс».
ВТБ — камерцыйны банк, кантрольны пакет акцый у ім належыць расійскай дзяржаве. Прэзідэнт ВТБ Андрэй Косцін — блізкі да Пуціна чалавек і лічыцца адным з самых уплывовых у Расіі.
Аперацыя з акцыямі «Магніта» прыцягнула ўвагу да асобы Аляксандра Вінакурава. Гэта зяць міністра замежных спраў Расіі Сяргея Лаўрова. Ён пазнаёміўся з дачкой Лаўрова ў Брытаніі, калі вучыўся ў Кембрыджы. Па вяртанні Вінакураў стаў адным з самых высокааплатных менеджараў Расіі і паступова развіў уласны бізнэс.
Цяпер чытаюць
Лукашэнка: без гальштука ў размовах з пасланнікамі Трампа, у гальштуку з расійскімі губернатарамі6
Каментары