Актывісты распачынаюць штодзённую вахту ў Курапатах. Але намётавы лагер пакуль немэтазгодны
Фота Волі Афіцэравай
Грамадcкія актывісты сёння зноў сабраліся ў Курапатах, каб вызначыцца што рабіць, каб недапусціць адкрыцця забаўляльнай установы побач з месцам масавых расстрэлаў, піша Радыё Свабода.
Першапачаткова плянавалася, што рэстарацыя «Паедзем, паядзім» пачне працу 1 чэрвеня, аднак аркуш з надпісам «Закрыто» вісіць на браме дагэтуль. Не выключана, што ўрачыстай цырымоніі перашкаджае якраз грамадская актыўнасць.
Удзельнікі аргкамітэта па выніках сённяшняй сустрэчы вырашылі штодня ад 12-й да 16-й ладзіць грамадскую варту, каб не прапусціць адкрыцця рэстарана. Намётавы лагер нямэтазгодны да таго часу, пакуль забаўляльная ўстанова не працуе.
Каментары