Арганізацыя «Рэпарцёры без межаў» паставіла Беларусь на 155 месца ў сваім штогадовым «Індэксе свабоды прэсы» па выніках 2018 года. Усяго ў рэйтынгу 180 краін. Суседнія месцы ў рэйтынгу занялі Дэмакратычная Рэспубліка Конга і Руанда.
Фота: rsf.org.
Летась Беларусь паставілі на 2 радкі вышэй — на 153 месца.
У дакладзе аўтары пішуць, што ў Беларусі за год аднавілася эскалацыя рэпрэсій.
Цікава, што праваабаронцы ў сваім дакладзе згадалі і пра арышт нейкіх «прарасійскіх блогераў». Хутчэй за ўсё, праваабаронцы мелі на ўвазе «справу Рэгнума».
Першыя месцы ў гэтым годзе традыцыйна займаюць скандынаўскія краіны. Расія ў рэйтынгу заняла 148-е месца, Украіна — 101-е, Польшча — 58-е, Літва — 36-е, Латвія — 24-е.
Цяпер чытаюць
Каб не трапіць на Акрэсціна, мінчук збег жыць у лес — вось яго гісторыя8
Каментары