Завершана крымінальная справа аб буйным махлярстве ў гульнявых установах сталіцы. Па матэрыялах справы, дзякуючы змене алгарытму ў аўтаматах фігуранты зарабілі не менш за 222 тысячы рублёў. Падрабязнасці паведамляе прэс-служба Следчага камітэта.
Справа ўжо перададзена пракурору для накіравання ў суд. Фігурантамі апынуліся 11 чалавек, у адносінах яшчэ 6 чалавек матэрыялы выдзеленыя ў асобную вытворчасць: іх шукаюць у іншых краінах.
Паводле абвінавачання, у канцы 2016-га на тэрыторыі Беларусі і Расіі была створана арганізаваная група з грамадзян дзвюх краін, кіраўніцтва групай ажыццяўлялася з Расійскай Федэрацыі.
Удзельнікі групы адшуквалі адміністратараў залаў гульнявых аўтаматаў у Мінску, якія за матэрыяльнае ўзнагароджанне ўкаранялі ў USB-раз'ёмы пэўных аўтаматаў прылады, якія нагадваюць назапашвальнік інфармацыі. Затым работнікі устаноў праводзілі перазагрузку абсталявання, у выніку чаго змяняўся алгарытм яго працы.
Потым іншыя людзі наведвалі ўстановы пад выглядам гульцоў, з дапамогай спецыяльных тэхнічных сродкаў транслюючы карцінку з аўтаматаў. Гэтую інфармацыю апрацоўвалі спецыяльна прыехаўшыя з Расіі ўдзельнікі і паведамлялі «гульцам» камбінацыю клавіш для пачатку бонуснай гульні.
Па матэрыялах справы, кожны з гульцоў і адміністратараў залы атрымліваў ад 5 да 10% ад выйгрышу, астатняе — арганізатары-расіяне.
Падлічана больш за 40 эпізодаў, маёмасную шкоду ацэньваюць не менш чым 222,4 тысячы рублёў (больш за 100 тысяч даляраў па актуальнаму курсе).
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам13
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2020
Каментары