Хлопца 28-гадовай жыхаркі Рэчыцы затрымалі па падазрэнні ва ўгоне аўто. Пра сваю праблему дзяўчына распавяла выпадковаму спадарожніку ў дызелі, паведамляе «Дняпровец».
Новы знаёмы прапанаваў дзяўчыне дапамогу ў вызваленні хлопца. Для гэтага ён папрасіў $2,5 тысячы. Такіх грошай у дзяўчыны не знайшлося, і мужчына прапанаваў разлічыцца часткамі.
З кастрычніка 2017 па студзень 2018 года жанчына перадала яму 1200 рублёў. Аднак ніякіх зменаў у лёсе яе хлопца не адбылося. А новы знаёмы зусім знік.
Зараз гэтай гісторыяй займаюцца праваахоўнікі. Супраць мужчыны распачалі крымінальную справу за падбухторванне да давання хабару.
Цяпер чытаюць
«Адны вераць, што вернуцца, іншыя — не». Як працуе беларуская школа ў Польшчы1
Каментары