Прадстаўнікі БРСМ падчас сустрэчы з Аляксандрам Лукашэнкам рабілі шмат прапаноў, і адна з іх тычылася больш шырокай папулярызацыі дзяржаўнай сімволікі краіны, піша БелТА.
У прыватнасці, удзельніца сустрэчы Анастасія Лапко распавяла пра тое, што падчас узыходжання на самыя высокія горы Еўропы і Афрыкі, Эльбрус і Кіліманджара, яны з мужам з гонарам узнялі там дзяржаўны сцяг Беларусі, які стаў сямейнай рэліквіяй. Прадстаўнік БРСМ прапанавала больш шырока папулярызаваць сімволіку краіны. На яе думку, беларускі сцяг павінен быць у кожнай сям'і, і прапанавала зрабіць пры будучым перапісе насельніцтва такі падарунак у кожны дом.
Кіраўніку дзяржавы спадабалася гэтая прапанова: «Гэта добрая ідэя, мы не проста падумаем, а рэалізуем яе».
Аляксандр Лукашэнка таксама адзначыў, што традыцыя шырока папулярызаваць нацыянальную сімволіку ёсць у многіх краінах.
Апытанка
Цяпер чытаюць
«Што вы гадасць амерыканскую падсоўваеце?» Лукашэнка загадаў, каб у Мак.by было ўсё беларускае7
Каментары