Рэдакцыя недзяржаўнай газеты «Новы Час» (орган ТБМ), пазбаўленай магчымасці распаўсюджвацца праз шапікі, атрымала ліст з просьбай аформіць ведамасную падпіску на 14 дзяржаўных выданняў.
Рэдакцыя недзяржаўнай газеты «Новы Час» (неафіцыйны орган ТБМ) атрымала ліст з «просьбай» аформіць ведамасную падпіску на 14 дзяржаўных выданняў.
Ліст за подпісам намесніцы кіраўніка адміністрацыі Першамайскага раёна Мінска Веры Богдан накіраваны кіраўнікам прадпрыемстваў, устаноў і арганізацый. У пасланні напачатку выказваецца падзяка за павелічэнне аб’ёмаў ведамаснай падпіскі ў другой палове 2008 года, што садзейнічала «больш аператыўнаму інфармаванню жыхароў раёна і працоўных калектываў і арганізацый усіх форм уласнасці аб дзейнасці выканаўчых органаў улады».
Далей спн. Богдан просіць кіраўнікоў арганізацый (на іх ускладаецца абавязак правядзення падпіскі), а сярод іншых і арганізацый?арандатараў не толькі падпісацца на 2009 год, але яшчэ і захаваць адзін асобнік падпісной квітанцыі.
Ведамасную падпіску, згодна з лістом, трэба аформіць на 14 найменняў выключна дзяржаўных выданняў. Першай у прапанаваным спісе пазначана газета «Советская Белоруссия». Прапануецца таксама падпісацца на часопісы «Планета» і «Экономика Беларуси».
Акрамя гэтага, адміністрацыя Першамайскага раёна Мінска прапануе правесці ў працоўных калектывах тлумачальныя размовы на тэму індывідуальнай падпіскі. Пасля копія падпісной квітанцыі павінна быць накіравана ў аддзел ідэалагічнай працы райвыканкама.
Нагадаем, газета «Новы Час», якая атрымала гэты ліст, разам з шэрагам іншых недзяржаўных грамадска?палітычных выданняў ужо некалькі гадоў пазбаўленая магчымасці распаўсюджвацца праз гандлёвую сетку прадпрыемстваў «Саюздруку» і падпіску «Белпошты».
Каментары