Мінск гатовы актывізаваць дзейнасць працоўнай групы па пытаннях расійска-беларускіх адносін пасля калядных святаў. Пра гэта заявіў Аляксандр Лукашэнка на перамовах у Крамлі з Уладзімірам Пуціным, паведамляе ТАСС.
«Мы ніколі адзін аднаму надакучыць не зможам, таму што ёсць пытанні, якія трэба абмяркоўваць, гэта наша праца. Мы ў мінулы раз дамовіліся, што мы сур'ёзна пагаворым пра далейшае наша суіснаванне ў гэтым цяжкім, тленным свеце, нікуды ад гэтага не сысці і не дзецца, таму што многія праблемы трэба вырашаць», — сказаў Лукашэнка.
Ён дадаў, што беларускі бок працаваў над узгадненнем працоўнай групы, над пытаннямі, якія бакі павінны разгледзець для пераадолення перашкод, «якія стаяць на шляху нашай інтэграцыі».
«Мы такую групу сфармавалі, такім жа чынам, як і вы, па складзе і кіраўніцтве. Думаю, што пасля калядных святаў мы гатовыя, як і расіяне, працаваць, тым больш, што ўсе пытанні прапісаныя ў Саюзным дагаворы, мы іх пералічвалі ў мінулы раз. І добра, што мы нарэшце падышлі да вырашэння гэтых пытанняў», — заявіў кіраўнік Беларусі.
Каментары