Магілёўка пусціла да сябе пажыць медсястру. Тая пажыла 2 месяцы і абакрала яе
39-гадовую магілёўку абакрала знаёмая, якая непрацяглы час жыла ў яе дома. З кватэры зніклі відэамагнітафон, газавая пліта і dvd-плэер на агульную суму 250 рублёў, паведаміла афіцыйны прадстаўнік Ленінскага РАУС Магілёва Алена Сіманава.
Супрацоўнікі аддзела крымінальнага вышуку высветлілі, што чужыя рэчы забрала 29-гадовая жыхарка Крычава, медсястра адной з бальніц горада.
Уладальніца кватэры пазнаёмілася з медыцынскім работнікам, калі праходзіла лячэнне ў шпіталі. Жанчыны разгаварыліся, і медык прызналася, што мае цяжкасці з жылплошчай. Магілёўка прапанавала новай прыяцельцы пераехаць на час да яе, пакуль тая не зможа знайсці сабе жыллё.
Праз два месяцы сумеснага пражывання сяброўка знікла з рэчамі гаспадыні. Магілёўка звярнулася ў міліцыю.
Падазраваную затрымалі.
Каментары