Малады мужчына быў смяротна траўмаваны таварным цягніком у Гарадоцкім раёне, паведамляе УУС Віцебскага аблвыканкама.
Трагедыя адбылася 12 студзеня ў 17.05 у раёне станцыі Грыбачы. Ураджэнец раёна 1997 года нараджэння прыехаў з Віцебска на станцыю Грыбачы, адкуль пешшу накіраваўся ў сваю вёску, што знаходзіцца за некалькі кіламетраў. Хлопец ішоў па сцежцы ўздоўж чыгуначных шляхоў. Машыніст грузавога саставу, які рухаўся па маршруце ў Расію, убачыў яго і пачаў тармазіць і сігналіць. Аднак прадухіліць трагедыю не ўдалося.
Пры сабе ў мужчыны былі навушнікі-кропелькі. Усе абставіны здарэння цяпер удакладняюцца.
Цяпер чытаюць
«Забіць яго ці адрэзаць яму яйцы я не рашыўся». Падрабязнасці трагедыі ў Гданьску, дзе ваяр катаваў бойфрэнда, а пасля забіў сябе45
Каментары