Парэшткі забітага ў кастрычніку мінулага года саудаўскага журналіста Джамаля Хашогі маглі спаліць, лічыць турэцкая паліцыя. Пра гэта паведамляе турэцкае агенцтва Anadolu са спасылкай на даклад аб дзейнасці галоўнага ўпраўлення паліцыі Стамбула за 2018 год.
Паводле паліцыі, у будынку консульства ёсць два калодзежы, а таксама печ-жароўня, якая можа працаваць як на газе, так і на дровах. Яна можа разагравацца да тэмпературы 1000 градусаў. Следчыя лічаць, што такая печ можа знішчыць любыя сляды ДНК.
У дакладзе таксама адзначаецца, што сярод людзей, якія заходзілі ў будынак у дзень смерці Хашогі, быў судова-медыцынскі эксперт МУС Саудаўскай Аравіі, які мог дакладна вызначыць, ці засталіся часціцы ДНК пасля спалення.
Нягледзячы на тое, што расследаванне працягваецца з кастрычніка, астанкі Хашогі так і не былі знойдзеныя.
Знікненне журналіста, якое затым было прызнана забойствам, адбылося ў консульстве Саудаўскай Аравіі ў Стамбуле ў кастрычніку 2018 года.
-
Трамп прымае вялікую дозу аспірыну для разрэджвання крыві. Праз гэта ў яго лёгка з'яўляюцца сінякі
-
Каля 40 чалавек загінулі, больш за 100 з траўмамі. Ахвяры страшнага пажару на раскошным альпійскім курорце
-
23‑гадовага ўкраінца затрымалі ў Варшаве з глушылкай — ён звярнуў на сябе ўвагу тым, што гадзінамі праседжваў у кавярні ў аэрапорце
«Запускайце далей салюты, а я выклічу міліцыю». Беларусы спрачаюцца пра забарону на феерверкі2
Каментары