Кубачак кавы пасля ежы зможа дапамагчы трымаць ўзровень цукру ў крыві ў норме. Тэхналогію, якая дазваляе гэта рабіць, распрацавалі навукоўцы з Швейцарскай вышэйшай тэхнічнай школы.
Яны вырашылі знайсці альтэрнатыву ін'екцыям інсуліну, якія вымушаныя рэгулярна рабіць людзі з дыябетам, прытрымваючы такім чынам ўзровень глюкозы ў крыві.
І ім ўдалося.
Яны стварылі адмысловы імплантат, які складаецца з клетак, створаных на аснове тканін чалавечай ныркі, і рэцэптара, што выклікае вызваленне інсуліну.
Такім чынам гэты імплантат здольны вызваляць інсулін, калі ў арганізм трапляе кафеін.
Навукоўцы убудавалі імплантат у 10 мышэй, у якіх дыябет II тыпу, і пачалі разам з ежай даваць ім каву.
Пасля гэтага даследчыкі зрабілі мышам аналізы на ўзровень цукру ў крыві.
Кавы і імплантата аказалася дастаткова, каб узровень цукру быў у норме.
Падобныя імплантаты для людзей могуць з'явіцца на рынку прыблізна праз 10 гадоў, бо навукоўцам патрэбны час, каб старанна пратэставаць тэхналогію.
Цяпер чытаюць
Амерыканскі авіяблогер: Літаральна кожны беларус, з кім я размаўляў пра палітыку, казаў, што Лукашэнка — абсалютны вар’ят3
Каментары