Ізраільскі канцэрн IAI (Israel Aerospace Industries) у ходзе выставы Aero India, якая праходзіць з 20 па 24 лютага ў Бангалоры (Індыя), прадставіў робат-камікадзэ Mini Harpy.
У роліку кампаніі адна з мішэняў нагадвае радар усевысотнага дэтэктара 96Л6Е, усталяванага на шасі МЗКЦ-7930 ад расейскіх ракетных комплексаў С-300 і С-400.
У прэс-рэлізе, апублікаваным на сайце кампаніі, адзначаецца, што тактычная сістэма Mini Harpy сумяшчае магчымасці беспілотнікаў Harop і Harpy. Згодна з распрацоўнікам, робат-камікадзэ здольны баражыраваць, чакаючы з'яўлення цэлі, і трансляваць адпаведнае відэа аператару. Беспілотнік дапускае запуск з наземных і марскіх пазіцый, а таксама верталётаў.
Маса Mini Harpy складае 45 кілаграмаў, баявой часткі — восем кілаграмаў, далёкасць палёту — да ста кіламетраў ад аператара, працягласць — да двух гадзін.
У студзені Ізраіль атакаваў аб'екты на тэрыторыі Сірыі, якія, па дадзеных габрэйскай дзяржавы, звязаныя з Іранам. У ходзе ўдару быў знішчаны, у прыватнасці, комплекс «Панцыр-С1» расійскай вытворчасці. Для гэтага Ізраіль выкарыстаў баражыруючы боепрыпас SkyStriker, створаны кампаніяй Elbit Systems.
-
Трамп прымае вялікую дозу аспірыну для разрэджвання крыві. Праз гэта ў яго лёгка з'яўляюцца сінякі
-
Каля 40 чалавек загінулі, больш за 100 з траўмамі. Ахвяры страшнага пажару на раскошным альпійскім курорце
-
23‑гадовага ўкраінца затрымалі ў Варшаве з глушылкай — ён звярнуў на сябе ўвагу тым, што гадзінамі праседжваў у кавярні ў аэрапорце
Цяпер чытаюць
«Запускайце далей салюты, а я выклічу міліцыю». Беларусы спрачаюцца пра забарону на феерверкі10
Каментары