УЕФА лічыць, што суддзя сустрэчы ў адказ 1/8 фіналу Лігі чэмпіёнаў «ПСЖ» — «Манчэстэр Юнайтэд» Дамір Скаміна правільна прызначыў пенальці ў вароты парыжан на апошніх хвілінах гульні. Пра гэта гаворыцца ў растлумачэнні рашэнняў арбітраў у матчах ЛЧ мінулага тыдня, апублікаваным на афіцыйным сайце арганізацыі.
На 89-й хвіліне матчу абаронца «МЮ» Дыога Далот з 25 метраў нанёс удар па варотах «ПСЖ». Мяч трапіў у локаць Прэснэл Кімпембе, пасля чаго пакінуў межы поля. Скаміна скарыстаўся VAR і прызначыў у вароты гаспадароў пенальці за гульню рукой у межах штрафной плошчы. На думку УЕФА, арбітр прыняў правільнае рашэнне, бо рука гульца «ПСЖ» знаходзілася ў ненатуральным становішчы.
«Кімпембе не знаходзіўся на блізкай дыстанцыі ад мяча, а удар не быў нечаканым. Рука абаронцы не была прыціснутая, з-за чаго плошча яго цела павялічылася і палёт мяча ў напрамку варот быў прыпынены. Таму суддзя прызначыў пенальці», - гаворыцца ў заяве УЕФА.
Нападаючы Маркус Рэшфард рэалізаваў 11-метровы, усталяваўшы канчатковы лік у матчы - 3:1 на карысць МЮ. Двухматчавае супрацьстаянне «МЮ» і «ПСЖ» завяршылася ўнічыю 3:3, што дазволіла англійскаму клубу выйсці ў чвэрцьфінал Лігі чэмпіёнаў дзякуючы большай колькасці забітых на выездзе мячоў (першую гульню «ПСЖ» выйграў 2:0).
Мсціслаў Мекта: яшчэ адзін рэцыдывіст рвецца ва ўладу, прыкінуўшыся спецназаўцам-ябацькам15
Каментары