Спыненыя пастаўкі на Балканы, у Польшчу зніжана пастаўка газу, што ідзе цераз Украіну на 85%, пастаўкі ў Чэхію скарочаныя на 75%, у Аўстрыю паступае толькі 10% расійскага газу. Пра зніжэнне аб'ёмаў паставак газу заявіла Нямеччына.
Усе пастаўкі расійскага газу цераз Украіну ў Балгарыю, Харватыю, Турцыю, Грэцыю і Македонію спыненыя, паведамляе Рэйтэр са спасылкай на Міністэрства эканомікі Балгарыі.
У Мінэканомікі Балгарыі падкрэсліваюць: «Мы ў крызіснай сітуацыі».
«Газпром» утрая скараціў пастаўкі газу ў кірунку, што правяло да недаатрымання «блакітнага паліва» ў Еўропе.
***
13:45
Пастаўкі ў Чэхію скарочаныя на 75%, у Аўстрыю паступае толькі 10% расійскага газу, Венгрыя атрымлівае толькі 20% газу.
***
14:47
Пастаўкі газу ў Польшчу упалі на 85%, перадае radiozet.pl. Тут гаворка пра газ, што ідзе цераз Украіну.
Тым часам Еўрасаюз востра раскрытыкаваў устрыманне ад пастаўкі газу ў некаторыя краіны ЕС. "Гэта сітуацыя непрымальная, - напісалі ў супольным звароце прадстаўнікі Еўракамісіі і чэшскага прэзідэнта (Чэхія цяпер старшынствуе ў ЕС)".
ЕС заклікае да аднаўлення перамоваў Украіны і Расіі, каб была шрэшце развязаная "гэтая спрэчка".
Таксама зазначаецца, што недахоп паставак газу пачынае адчуваць Нямеччына.
Цяпер чытаюць
Беларусы ў паніцы штурмуюць польскія дзяржаўныя службы — там больш не прымаюць дакументы на савецкіх бланках8
Каментары