Прэм'ер-міністр Расіі Дзмітрый Мядзведзеў выдатна паінфармаваны аб працы, якая вядзецца Масквой і Мінскам. Пра гэта РБК заявіў пасол Расіі ў Беларусі Міхаіл Бабіч, адказваючы на нядаўнія выказванні міністра замежных спраў Беларусі Уладзіміра Макея.
18 красавіка, каментуючы паведамленні аб накіраваных Расіяй Беларусі прапановах па далейшай інтэграцыі, Макей заявіў: «Але Дзмітрый Анатольевіч, магчыма, не ў курсе, што мы ўжо даўно накіравалі нашы прапановы ў адказ».
«Што тычыцца заявы спадара Макея, то ён, мабыць, не ў курсе, што Дзмітрый Мядзведзеў з'яўляецца не толькі старшынёй урада Расіі, але і членам Вышэйшага дзяржаўнага савета Саюзнай дзяржавы, старшынёй савета міністраў Саюзнай дзяржавы. І ўсе рашэнні, якія прымаюцца ў саюзнай дзяржаве, ім ўзгадняюцца, а большасць з іх рэалізуюцца пад яго непасрэдным кіраўніцтвам. Лепш бы спадару Макею гэта ў сваёй працы ўлічваць», — сказаў расійскі амбасадар РБК.
Па словах Бабіча, «праца па актуалізацыі палажэнняў Саюзнага дагавора, узроўню далейшай эканамічнай інтэграцыі нашых дзяржаў не спыняецца ні на хвіліну». «Мы з партнёрамі знаходзімся ў пастаянным дыялогу, у тым ліку абменьваемся неабходнымі дакументамі. Пра ход перамоў расійскі бок рэгулярна дакладвае прэзідэнту і старшыні ўрада, атрымліваем ад іх указанні і рухаемся далей», — падкрэсліў Бабіч.
Цяпер чытаюць
Фіналістак конкурсу «Міс Беларусь — 2025» вывелі на сцэну ў касцюмах з цытатамі Лукашэнкі25
Каментары