У Гродзенскай вобласці аўтамабіль збіў насмерць веласіпедыстку. Каб знайсці кіроўцу, у некалькіх раёнах увялі план «Перахоп»
Здарэнне адбылося каля 18.00 на 8 км аўтадарогі Воранава — Навіянка (каля в. Кавалеўшчына Воранаўскага раёна). Аўтамабіль збіў насмерць 58-гадовую веласіпедыстку, якая ехала ў спадарожным напрамку. Кіроўца ўцёк з месца здарэння, паведамляе тэлеграм-канал МУС.
Для высвятлення месцазнаходжання аўтамабіля ў некалькіх раёнах уводзіўся план «Перахоп». На месца здарэння неадкладна выехалі супрацоўнікі ДАІ і следча-аператыўная група.
Літаральна на працягу гадзіны пасля ДТЗ на аб'язной дарозе каля пасёлка Воранава аўтамабіль быў знойдзены: кіроўца кінуў яго на СТА і збег.
Пазней праваахоўнікі знайшлі і меркаванага вінаватага аварыі. Ім аказаўся 36-гадовы жыхар адной з вёсак, у якога меліся прыкметы алкагольнага ап'янення.
Міліцыя нагадвае, што сёння гэта ўжо другое смяротнае ДТЗ з удзелам веласіпедыстак і звяртае ўвагу да ўсіх удзельнікаў дарожнага руху: быць вельмі ўважлівымі на дарогах краіны. Памятаеце, што ад вас залежыць жыццё і лёс іншых людзей
Мсціслаў Мекта: яшчэ адзін рэцыдывіст рвецца ва ўладу, прыкінуўшыся спецназаўцам-ябацькам15
Каментары