Мерапрыемствы па пошуку выбуховых прыладаў на мінскім чыгуначным вакзале і двух авіярэйсах з аэрапорта Мінск—2 скончаныя, паведаміла афіцыйны прадстаўнік МУС Вольга Чамаданава.
Невядомы паведаміў, што ў Мінску замініраваны вакзал і два самалёты
Праваахоўнікі на працягу некалькіх гадзін старанна абследавалі аб'екты, названыя ў лісце, які невядомы даслаў сёння ў Магілёўскае аддзяленне БЧ па электроннай пошце. Выбуховых прыладаў не выяўлена.
Фота: Следчы камітэт.
Цяпер вядзецца пошук адпраўніка паведамлення аб «мінаванні». «Падобныя «пасланні» вельмі дорага абыходзяцца дзяржаве, таму пакаранне лжэмінёра прадугледжана вельмі нежартоўнае. Аж да сямі гадоў пазбаўлення волі», — адзначаецца ў паведамленні.
Следчы камітэт па факце заведама лжывага паведамлення пра небяспеку распачаў крымінальную справу.
Чэргаў на мяжы цяпер не будзе? Чаго чакаць ад адкрыцця «Брузгоў» і «Бераставіцы»4
Каментары