У Гомелі мужчына забіў прыяцеля адным ударам, а праз 40 хвілін здаўся міліцыі
Жыхар Гомеля падчас сваркі забіў прыяцеля, паведамляе міліцыя.
Злачынства было здзейснена 14 верасня. Гаспадар дома на вуліцы Цыялкоўскага ў Гомелі патэлефанаваў у міліцыю і прызнаўся, што забіў таварыша. Патрульныя выявілі загінулага мужчыну і гаспадара жылля.
Высветлілася, што прыяцелі выпівалі. У нейкі момант здарыўся канфлікт і гаспадар ударыў госця кулаком у твар. Той упаў і памёр. Праз 40 хвілін пасля здарэння ўладальнік дома патэлефанаваў міліцыянерам.
Цяпер мужчыне пагражае да 15 гадоў пазбаўлення волі.
Каментары