Страшная знаходка ў Гродне вечарам 3 студзеня: жыхары дома на вуліцы Пушкіна выклікалі міліцыю, адчуўшы на лесвічнай пляцоўцы трупны пах, дзверы адной з кватэр адчынілі — і знайшлі там тры целы ў стадыі гніення, піша Tut.by.
У кватэры памерла сям'я: пажылыя мужчына, жанчына і іх сын.
Суседзі кажуць, што сям'я жыла ў доме каля 30 гадоў. У пажылых бацькоў ёсць яшчэ адзін сын, ён жыве асобна. Асацыяльнымі нябожчыкаў назваць было нельга: жылі ціха, выглядалі ахайна, рэгулярна хадзілі ў краму, сын быццам бы працаваў, у дэбошах і п'янках ніколі заўважаны не былі.
У міліцыю патэлефанавала суседка па лесвічнай клетцы, адчуўшы ў пад'ездзе спецыфічны пах гніення.
У хаце ўсю ноч працавалі міліцыя, следчыя і эксперты.
Паводле звестак МУС, у смерці сям'і няма крымінальнага следу.
Цяпер чытаюць
Дачка суддзі, якая жыўцом згарэла ў судзе ў Слуцку ў 1967-м, расказала, як склалася жыццё іх сям’і пасля гучнай трагедыі7
Каментары