У Полацку барацьба таксама разгарнулася між Севярынцам і Губарэвічам
Трэція перадвыбары (па абранні адзінага кандыдата ў прэзідэнты ад дэмакратычнай грамадскасці) былі праведзеныя вечарам 7 сакавіка ў Полацку. Нагадаем, што 6 сакавіка праймерыз прайшлі ў Гарадку, а сёння раніцай у Віцебску.
У Полацку, як і ў абласным цэнтры, упэўнена перамог хрысціянскі дэмакрат Павел Севярынец, за яго прагаласавалі 37 чалавек, за Юрася Губарэвіча з Руху за свабоду — 26. Вольга Кавалькова, як і ў Гарадку і Віцебску, зноў не набрала ніводнага голасу. За ліберала Казлова — тры галасы, Янукевіч з Партыі БНФ — 2.
Такім чынам пасля трох этапаў: Севярынец — 106 галасоў, Губарэвіч — 45, Казлоў — 18, Янукевіч — 7, Кавалькова — 0.
Як і ў Амерыцы сярод дэмакратаў, у нас акрэсліліся два выразныя лідары.
У нядзелю праймерыз пройдуць у Мёрах, Шаркаўшчыне і Паставах.
Чытайце таксама: «Мы славянскія немцы»: на праймерыз у Гарадку перамог Губарэвіч, агулам у іх узялі ўдзел восем чалавек
У Віцебску праймерыз прайшлі з аншлагам, а сакрушальную перамогу атрымаў Севярынец
Цяпер чытаюць
Феномен медыцынскага ўніверсітэта: кабала з размеркаваннем, невялікія заробкі, але ад абітурыентаў адбою няма3
Каментары