У Брэсце прайшло шэсце праціўнікаў акумулятарнага завода: зноў скандавалі лозунгі ў адрас Лукашэнкі
26 красавіка ў Берасці прайшла акцыя праціўнікаў акумулятарнага заводу, перадае «Радыё Свабода». Трое з лідараў актывістаў знаходзяцца за кратамі. Завод абяцаюць запусціць у найбліжэйшыя месяцы.
На мітынг на галоўнай плошчы і шэсце праз цэнтр горада прыйшло, паводле назіральнікаў, каля 240 чалавек. На колькасць удзельнікаў пратэсту адмоўна паўплывала сітуацыя з каранавірусам, лічыць праваабаронца Раман Кісляк.
Падчас шэсця ўдзельнікі акцыі пратэсту скандавалі ў тым ліку палітычныя лозунгі, скіраваныя ў адрас кіраўніка краіны Аляксандра Лукашэнкі і берасцейскіх чыноўнікаў.
Некаторыя з пратэстоўцаў у жывым эфіры «Свабоды» адзначылі, што не давяраюць афіцыйным лічбам колькасці хворых і памерлых. А акумулятарны завод ля Берасця лічаць не меншай пагрозай для жыхароў гораду, чым эпідэмію COVID-19.
Цяпер чытаюць
Лукашэнка: без гальштука ў размовах з пасланнікамі Трампа, у гальштуку з расійскімі губернатарамі6
Каментары