У Наваполацку, дзе на каранавірус захварэлі 13 медыкаў, памяняўся галоўурач гарадской бальніцы
У Наваполацкай цэнтральнай гарадской бальніцы — новы галоўны ўрач. Замест Сяргея Някрасава, які кіраваў медустановай 9 гадоў, гэтую пасаду заняла ягоная намесніца Ірына Шамянкова. Пра гэта піша tut.by са спасылкай на інфармацыю novaya.by.
Ірына Шамянкова атрымала новае прызначэнне 5 мая — па распараджэнні гарадской улады. Чаму змянілася кіраўніцтва бальніцы, гарадская газета не паведамляе.
Нагадаем, у Наваполацку на каранавірус захварэлі 13 медыкаў.
Новаму галоўнаму ўрачу — 50 гадоў. Кар'еру Ірына Шамянкова пачала ў Полацкай гарадской бальніцы, дзе працавала тэрапеўтам, радыёлагам. Затым загадвала тут тэрапеўтычным аддзяленнем, была намеснікам загадчыка па медчастцы. У кастрычніку 2018-га перайшла ў Наваполацкую цэнтральную гарбальніцу — на пасаду намесніка галоўнага ўрача па амбулаторна-паліклінічнай працы.
Бальніцай ў Наваполацку раней кіраваў 62-гадовы Сяргей Някрасаў. Ён прыйшоў на гэтую пасаду ў 2011 годзе.
Адстаўка Някрасава — ужо трэцяя па ліку ў асяроддзі высокага кіраўніцтва ў медыцынскіх колах на Віцебшчыне.
30 красавіка знялі з пасады галоўнага ўрача Віцебскай гарадской клінічнай бальніцы хуткай медыцынскай дапамогі Сяргея Лазара.
Памяняўся і начальнік аблздароўя. Раней ім кіраваў Юрый Дзяркач — сенатар, доктар медыцынскіх навук, прафесар. Ад 7 красавіка гэтую пасаду займае Міхаіл Вішнявецкі, былы намеснік начальніка ўпраўлення аховы здароўя Мінскага аблвыканкама.
Цяпер чытаюць
«У майго 21 сантыметр — дзесяць базавых далі». Беларусы ў тыктоку жартуюць з новых правілаў ад чыноўнікаў7
Каментары