Памёр протаіерэй Іаан Харашэвіч — гэта яму дазволілі адкрыць першы праваслаўны храм Мінска ў часы перабудовы
Раніцай 6 мая памёр настацель мінскага храма Марыі Магдалены Іаан Харашэвіч. Яму было 87 гадоў.
Гэтую інфармацыю «Нашай Ніве» пацвердзіў ягоны зяць, настаяцель храма-помніка Усіх Святых Фёдар Поўны.
Харашэвіч быў адным з найстарэйшых і найбольш паважаных святароў Мінска. Сёлета ён атрымаў з рук Аляксандра Лукашэнкі прэмію за духоўнае адраджэнне. Амаль трыццаць гадоў ён быў настаяцелем храма Марыі Магдалены. Гэта была першая царква ў Мінску, якой дазволілі службы ў часы СССР пасля доўгага перыяду забароны на адкрыццё храмаў.
Харашэвіч быў адным з найбліжэйшых паплечнікаў мітрапаліта Філарэта (Вахрамеева). Разам яны служылі ў Германіі і Мінску.
Кажуць, што прычынай смерці Харашэвіча мог стаць каранавірус. «Не ведаю, я пакуль не бачыў заключэнне аб смерці», — сказаў «НН» Фёдар Поўны.
Глядзі таксама: Гісторыя жыцця айца Фёдара — самага паспяховага беларускага святара
Цяпер чытаюць
«У майго 21 сантыметр — дзесяць базавых далі». Беларусы ў тыктоку жартуюць з новых правілаў ад чыноўнікаў7
Каментары