У Ашмянах у аднаго з ксяндзоў — каранавірус. Напярэдадні там была імша з бежмаваннем
Пробашч адной з ашмянскіх каталіцкіх парафій (Гродзенская вобласць) трапіў у бальніцу з каранавірусам. Ва ўсім ашмянскім дэканаце не праводзяцца публічныя багаслужбы, піша Радыё Свабода.
Заражэнне каранавірусам святара пацвердзілі ў курыі Гродзенскай дыяцэзіі.
«Ксёндз-канонік цяпер знаходзіцца на лячэнні ў шпіталі. Праведзеныя тэсты на прысутнасць каранавіруса ў арганізме далі станоўчы вынік. Здароўе святара паступова ідзе на папраўку», — гаворыцца ў паведамленні курыі.
У касцёлах Ашмянаў і навакольных вёсак уведзены каранцін. Публічныя багаслужбы скасавалі. Аднак храмы застаюцца адкрытымі для наведвання тых, хто хоча памаліцца індывідуальна.
Напярэдадні шпіталізацыі ксяндза ў ашмянскім касцёле адправілі масавую імшу з прычашчэннем вернікаў і бежмаваннем (мірапамазаннем) падлеткаў.
Па словах мясцовых жыхароў, пасля шпіталізацыі ксяндза ва ўдзельнікаў багаслужбы пачалі масава браць тэсты на каранавірус.
У каментары Deutsche Welle месяц таму той ксёндз здзіўляўся, што людзі ўспрымаюць рэкамендацыі наконт каранціну сур’ёзна.
Цяпер чытаюць
«У майго 21 сантыметр — дзесяць базавых далі». Беларусы ў тыктоку жартуюць з новых правілаў ад чыноўнікаў7
Каментары