Магілёвец выйшаў з турмы і адразу атрымаў новы тэрмін: зняў залаты ланцужок у жанчыны
У магілёўкі скралі залаты ланцужок з падвескай на агульную суму каля 150 рублёў. У злачынстве 40-гадовая жанчына падазравала свайго новага знаёмага, з якім напярэдадні распівалі спіртныя напоі, паведамляе МУС.
39-гадовы жыхар абласнога цэнтра, раней ужо неаднаразова судзімы за крадзеж і рабаванне мужчына, які нядаўна вызваліўся з месца пазбаўлення волі, адправіўся ў адну з забаўляльных устаноў горада, дзе і пазнаёміўся з кампаніяй, якая складалася з некалькіх жанчын. Пасля сумеснага распівання спіртных напояў ён запрасіў новых знаёмых да сябе дадому, аднак патрапіць унутр не атрымалася: дзверы ў кватэру не адчыніла маці кампанейскага мужчыны.
Тады госці прынялі рашэнне разысціся па дамах, выключэннем стала толькі адна магілёўка, якая хацела працягваць свята і запрасіла мужчыну ўжо да сябе ў госці. Праўда, і да жанчыны яны таксама не патрапілі: развіталіся ля пад'езда, пры гэтым, абдымаючы жанчыну на развітанне, мужчына незаўважна зняў з яе шыі ювелірнае ўпрыгажэнне.
Ланцужок ён адразу ж занёс у ламбард, а кулон пакінуў сабе. Пасля таго, як магілёўка працверазела і ўбачыла прапажу ювелірнага вырабу, яна адразу ж звярнулася ў міліцыю.
Завялі крымінальную справу.
Цяпер чытаюць
Жонка агента-каханка Анжалікі Мельнікавай звязаная з арганізацыяй Руская мадэль эфектыўнага спакушэння18
Каментары