Свет44

Патрыярх Кірыл мае падатковы псеўданім Іван Захаравіч Прохараў

Расійскія журналісты-расследавальнікі даведаліся, што кіраўніка Рускай праваслаўнай царквы патрыярха Кірыла (свецкае імя Уладзімір Гундзяеў) у базе Федэральнай падатковай службы Расіі схавалі пад псеўданімам Іван Захаравіч Прохараў, піша The Moscow Times.

Патрыярх Кірыл. Фота: AP

Гэты псеўданім выкарыстоўваецца для маскіроўкі сапраўдных даных, хоць усе іншыя параметры, уключаючы дату нараджэння і ідэнтыфікацыйны нумар падаткаплацельшчыка (ІНП), супадаюць з рэальнымі данымі патрыярха. ІНП у Расіі надаецца толькі адзін раз на ўсё жыццё.

Такія метады раней выкарыстоўваліся пераважна для сілавікоў і высокапастаўленых чыноўнікаў, каб схаваць уласнасць, даходы або абысці міжнародныя санкцыі. Напрыклад, былы сакратар Рады бяспекі Расіі Мікалай Патрушаў фігуруе ў базе пад імем Яўген Пятровіч Лукаў.

Інфармацыя пра спецыяльную базу «абароненых асоб» у Федэральнай падатковай службе Расіі стала вядомай яшчэ ў 2019 годзе пасля ўцечкі даных з кампаніі «Сайтэк», якая распрацавала праграму «Налог-3» для маскіроўкі такіх асоб.

У 2020 годзе расследаванне выявіла, што ў патрыярха Кірыла і яго сваякоў ёсць маёмасць на суму каля 225 мільёнаў расійскіх рублёў (каля 2,5 мільёна даляраў) у Маскве і Санкт-Пецярбургу. Гэта, у прыватнасці, некалькі кватэр, адна з якіх — у знакамітым «Доме на набярэжнай».

Акрамя таго, патрыярх карыстаецца толькі бізнэс-авіяцыяй, у тым ліку джэтам Gulfstream G450 коштам каля 43 мільёны даляраў, а таксама люкс-яхтай «Палада» коштам ад 4 мільёнаў даляраў, якая выкарыстоўваецца для паездак па Валааму.

У мінулым патрыярх трапляў у скандалы, напрыклад, з гадзіннікам Breguet за 30 тысяч еўра, які спрабавалі замазаць на фота.

Кірыл актыўна падтрымлівае расійскае ўварванне ва Украіну, праводзячы рэпрэсіі супраць нязгодных з гэтым святароў. Ён трапіў пад санкцыі некалькіх краін (у тым ліку Вялікабрытаніі, Чэхіі, Літвы, Канады), а пад санкцыі ЕС не трапляе толькі дзякуючы падтрымцы з боку Венгрыі.

Каментары4

  • здзіўлена
    23.05.2025
    а хіба ён увогуле плаціць падаткі?
  • Matthew 6:24
    23.05.2025
    No one can serve two masters
  • Владислав
    23.05.2025
    Сатана дарэмна маскіруецца. Усё таемнае стане відавочным.

Цяпер чытаюць

Цэны на шакалад здзіўляюць

Цэны на шакалад здзіўляюць

Усе навіны →
Усе навіны

Адна з дзяржаў рыхтуецца да першай у свеце планаванай міграцыі ўсёй нацыі3

На Міншчыне заўважылі два магчымыя тарнада

«Я страціла сэнс жыцця». Спявачцы Рыце Дакота забаранілі выступаць у Расіі30

У Будславе археолагі адкапалі старажытны падмурак касцёла

Былы беларускі ваяр суткі катаваў свайго сябра, а пасля забіў сябе40

Сёлета кляшчы кусаюць беларусаў амаль на 11% часцей, чым летась

Столькі праблем, а тут Стрыжак з яго падлеткавымі гульнямі40

Катар прыгразіў Еўропе скарачэннем паставак газу3

Колькасць пацверджаных расійскіх ваенных страт перавысіла 120 тысяч чалавек12

больш чытаных навін
больш лайканых навін

Цэны на шакалад здзіўляюць

Цэны на шакалад здзіўляюць

Галоўнае
Усе навіны →

Заўвага:

 

 

 

 

Закрыць Паведаміць