Лідар рэспубліканцаў у Палаце прадстаўнікоў Кангрэса ЗША Кевін Макарці заявіў, што ў бліжэйшы час прадставіць законапраект супраць «расейскіх хакераў», якіх ЗША, Вялікабрытанія і Канада абвінавацілі ў кібератаках з мэтай крадзяжу звестак аб распрацоўцы вакцыны ад каранавіруса. Пра гэта кангрэсмен паведаміў у сябе ў Twitter.
Moscow's continued malicious actions to weaken our pandemic response must not go unchecked. In the coming days, I will be introducing legislation to ensure these Russian hackers are held accountable. https://t.co/yTuFLanWVe
Ён адзначыў, што не пакіне без адказу «зламысныя дзеянні Масквы».
16 ліпеня Нацыянальны цэнтр кібербяспекі Вялікабрытаніі (NCSC) паведаміў, што хакеры з групы APT29 паспрабавалі ўзламаць звесткі фармакалагічных кампаній і выкрасці звесткі аб распрацоўцы і тэставанні вакцыны ад COVID-19. У Лондане сцвярджалі, што хакеры «амаль сапраўды» кантралююцца расійскай выведкай. Пазней пра кібератакі заявілі спецслужбы ЗША і Канады. У Крамлі адмаўляюць датычнасьць да гэтых нападаў і звязваюць абвінавачванні са спробамі запляміць рэпутацыю расійскай вакцыны, якая рыхтуецца выйсці на рынак.
Цяпер чытаюць
Памерла 45-гадовая экс-палітзняволеная Тамара Каравай. Летась яе вызвалілі па памілаванні13
Каментары