Сёння міністр замежных спраў Беларусі Сяргей Мартынаў знаходзіцца з рабочым візітам у Латвіі. Паводле звестак прэс‑службы беларускага МЗС, запланаваныя сустрэчы Мартынава з прэзідэнтам Валдзісам Затлерсам, прэм’ер‑міністрам Валдзісам Дамброўскісам, міністрам замежных спраў Марысам Рыекстыньшам.
«Бакі плануюць разгледзець шырокае кола пытанняў развіцця адносінаў паміж Беларуссю і Латвіяй, а таксама праблематыку ўзаемадзеяння нашай краіны з Еўрапейскім саюзам», — паведаміла прэс‑служба.
Адносіны Беларус і Латвіі на афіцыйным узроўні актывізаваліся летась пасля доўгага перапынку. У ліпені і лістападзе 2008 года Латвію наведаў прэм’ер‑міністр Беларусі Сяргей Сідорскі. 18—19 лютага 2009 года адбыўся візіт у Беларусь кіраўніка латвійскага ўрада Іварса Годманіса.
Паводле звестак МЗС Беларусі, беларуска‑латвійскі тавараабарот у 2008 годзе склаў 2,32 млрд. даляраў ЗША (павелічэнне ў 2,08 раза). Беларускі экспарт у Латвію склаў 2,18 млрд. даляраў (павелічэнне ў 2,2 раза), імпарт з Латвіі — 138 млн. даляраў (павелічэнне на 8,2%).
У 2008 годзе ў Беларусь з Латвіі паступіла 97,7 млн. даляраў ЗША інвестыцый (65,9% да ўзроўню 2007 года). На тэрыторыі Беларусі дзейнічаюць 210 суб’ектаў гаспадарання з удзелам латвійскага капіталу, з іх 115 — сумесныя прадпрыемствы, 95 — замежныя.
17 красавіка ў інтэрв’ю радыёстанцыі «Эхо Москвы» прэзідэнт Затлерс выказаўся за ўдзел Беларусі ў новай праграме ЕС «Усходняе партнёрства».«Калі пакінуць Беларусь у адзіноце, гэта створыць нязручнасці ўсім. Беларусь — наша суседская краіна», — падкрэсліў Затлерс.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс1818
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс18
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце5555
Каментары