Лукашэнка: Ніякай хлусні на выбарах не было, нельга фальсіфікаваць 80%
Ніякай хлусні на выбарах не было, пра гэта Лукашэнка заявіў, выступаючы на жаночым форуме «За Беларусь».
«Я вам клянуся, ніякай хлусні на выбарах не было. Нельга фальсіфікаваць выбары ў 80%», — заявіў ён.
«Ім не патрэбныя былі вынікі выбараў, бо да закрыцця выбарчых участкаў яны не сталі б атакаваць мірную сталіцу. За дзве з паловай гадзіны яны пачалі гэтую атаку, сабраўшыся ў абедзенны час, калі людзі ішлі на выбары. Увесь гэты дзень быў вытканы з правакацый, — расказаў кіраўнік дзяржавы. — І апошняя правакацыя — блакаванне на 69 участках у Мінску і асобных гарадах нашай краіны ні ў чым не вінаватых людзей — сябраў выбарчых участковых камісій. У асноўным там працавалі жанчыны, настаўнікі, лекары, якія выконвалі свой дзяржаўны доўг».
«І мне прыйшлося загадаць арміі, каб іх на бронемашыны эвакуіравалі. Гэта непрымальна, і з гэтага ўсё пачалося. Я не мог гэтага цярпець», — падкрэсліў Лукашэнка.
Каментары