Афіцыйны прадстаўнік Крамля Дзмітрый Пяскоў не стаў каментаваць інаўгурацыю Лукашэнкі, заявіўшы, што гэта суверэннае рашэнне афіцыйнага Мінска.
— Я тут не хачу ніяк каментаваць, бо гэта абсалютна суверэннае ўнутранае рашэнне беларускага кіраўніцтва, — прыводзіць словы Пяскова тэлеграм-канал РБК.
Дзмітрый Пяскоў таксама заявіў, што мерапрыемства не прадугледжвала прысутнасць Пуціна. Прэс-сакратар прэзідэнта Расіі прызнаўся, што пра інаўгурацыю яму нічога не было вядома.
Пры гэтым Пяскоў не змог адказаць, ці будзе кіраўнік Расіі віншаваць Лукашэнку з інаўгурацыяй.
— Я не магу вам сказаць. Бываюць, вядома, у пратакольным парадку нейкія віншаванні, ці, можа быць, ён вырашыць патэлефанаваць, але ў сапраўдны момант я не валодаю такой інфармацыяй, — заявіў Пяскоў і нагадаў, што Пуцін ужо віншаваў Лукашэнку з абраннем.
Пяскоў таксама паведаміў, што візіт Пуціна ў Мінск пакуль не плануецца.
Цяпер чытаюць
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1616
Каментары