Лукашэнка пра «групу Аўтуховіча»: Яны везлі тонамі зброю праз Украіну. Ох нам бы Новы год быў
Лукашэнка сёння згадаў пра нядаўняе затрыманне так званай «групы Мікалая Аўтуховіча».
«Нядаўна мы затрымалі групу Аўтуховіча. Мярзотнікі апошнія. Зараз мы іх усе каналы выявілі. Яны везлі тонамі зброю праз Украіну, — распавёў палітык. — І калі б хлопцы нашы (я ўсіх загадаў да дзяржаўных узнагарод неадкладна прадставіць) іх не накрылі, ох нам бы Новы год быў… Я яго, шчыра кажучы, недаацэньваў. Мне дакладваў Камітэт дзяржбяспекі. Ну, трэба, разбірайцеся з ім… Недаацэньваў. А вось калі вывернулі навыварат…»
«Рыхтавалі тэракты па ўсёй краіне, і ўжо пачалі ажыццяўляць. На тым і пагарэлі. Чэкісты з міліцыяй праводзілі гэтую аперацыю. Ну проста малайцы! Дзякуй богу, што затрымалі», — сказаў Аляксандр Лукашэнка.
Палітык падкрэсліў, што пытанне стрымання падобнай супрацьпраўнай дзейнасці трымаецца на цвёрдым кантролі: «Ёсць некалькі групіровачак яшчэ. Сваіх два-тры ёсць, адтуль дасылаюць нам. Праз Украіну. Праз Літву і Польшчу цяпер вельмі складана: мяжу зачынілі наглуха. І з Украінай цяпер закрылі ўжо, мыш не прапаўзе. Праз Расею часам пранікаюць, у нас мяжы няма. Але ўжо не тое. Мы гэтае пытанне трымаем жорстка на кантролі».
Мільянер Варабей атрымаў права на забудову цэнтра Мінска — узамен за дарагую клініку для Лукашэнкі7
Каментары