Слыннага гісторыка Ірэну Ганецкую затрымалі 8 студзеня. Здарылася гэта ў дварах на Уруччы, непадалёк ад яе дома.
«У пятніцу мама ўвесь дзень працавала за камп’ютарам, рыхтавала план работ за пяць год, які сёння трэба было здаць. Не паспела паесці нават, — расказала дачка Алеся. — Увечары вырашыла пайсці праветрыцца, паклікала суседку. Калі ўжо вярталіся дадому, да іх падышлі двое знаёмых, стаялі размаўлялі пра надвор’е. Тут пад’ехалі дзве машыны, пакружылі. Маму і суседзяў затрымалі: «У РУУС адвязём, там усё патлумачаць».
Я калі ў суботу да яе ў кватэру заходзіла, гарэла святло, камп’ютар быў уключаны, застаўся адкрыты файл. Бачна, што яна планавала хутка вярнуцца».
Трое сутак да суда гісторык правяла на Акрэсціна.
Суд прайшоў у панядзелак 11 студзеня. Суддзя Першамайскага раёна Максім Трусевіч выпісаў жанчыне штраф у 30 базавых — 870 рублёў.
«Мама сябе вельмі кепска адчувала, у яе быў высокі ціск», — дачка мяркуе, што менавіта гэта паўплывала на рашэнне суда. Астатнім затрыманым у той вечар суседзям далі па 10 сутак.
Ірэна Ганецкая — кандыдат гістарычных навук. Яна ўжо 30 год працуе ў Інстытуце гісторыі Акадэміі навук. Даследчыца спецыялізуецца на археалогіі сярэднявечных і постсярэдневечных гарадоў, гісторыі беларускіх замкаў і кераміцы XI—XVIII стагоддзяў. Яна кіравала раскопкамі каля Мірскага замка.
Цяпер чытаюць
«Лукашэнка проста не ведае». Ябацьку, які выкладаў у тыкток відэа пра булінг дачкі, пасадзілі на паўтара месяца11
«Лукашэнка проста не ведае». Ябацьку, які выкладаў у тыкток відэа пра булінг дачкі, пасадзілі на паўтара месяца
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1212
Каментары