Гандлёвая сетка Green адкрыла клубы бацькоў і гаспадароў гадаванцаў
Green запускае новы для Беларусі фармат клубнага шопінгу. Маладыя бацькі могуць уступіць у дзіцячы клуб, а гаспадары гадаванцаў — у клуб аматараў жывёл. Удзельнікі клуба атрымаюць буйныя зніжкі, кэшбэк, падарункі і бясплатныя сертыфікаты.
У клубы могуць уступіць усе ахвотныя. Кожны ўдзельнік атрымлівае прывілеі пры выкананні ўмоваў: наяўнасць карты лаяльнасці і пакупкі у сетцы Green мінімум на 300 рублёў, у тым ліку як мінімум адзін тавар з тэматычнай катэгорыі — для дзяцей або хатніх жывёл.
Дзіцячы клуб дае зніжкі, у тым ліку 40% на памперсы і дзіцячае харчаванне. Ёсць і 10-працэнтны кэшбэк на бонусную карту пры набыцці цацак, адзення для дзяцей, канцтавараў і тавараў па доглядзе за немаўлятамі. Да дня нараджэння дзіцяці ўсё піцы і тарты будуць на чвэрць таннейшыя, а цацкі і кніжкі — на 30%.
У дзіцячым клубе будуць рэгулярна разыгрываць сертыфікаты на наведванне дзіцячых цэнтраў, запрашаць на сямейныя фотасесіі, творчыя майстэрні і гурткі. Прадугледжаныя і актыўнасці ад партнёраў.
У сваю чаргу клуб аматараў жывёл прапануе зніжкі ў 35% на тавары для гадаванцаў. Кэшбэк ў 10% дзейнічае на напаўняльнікі, латкі, цацкі і аксэсуары, а ў мабільным дадатку можна знайсці персанальныя купоны на тавары для хатніх жывёл. Таксама можна выйграць сертыфікаты на абследаванне ў ветклініцы або фотасесію з любімым гадаванцам. А яшчэ - падарункавыя латкі пры куплі корму і розныя аксэсуары.
Для ўступу ў дзіцячы клуб неабходна падаць заяўку на сайце рытэйлера. Гэтак жа прымаюць у клуб аматараў жывёл. Пацвярджэнне прыходзіць цягам сутак, а адсочваць бонусы і свой статус можна ў асабістым кабінеце.
Цяпер чытаюць
Феномен медыцынскага ўніверсітэта: кабала з размеркаваннем, невялікія заробкі, але ад абітурыентаў адбою няма6
Каментары